الجمعة، 5 مارس 2010

اطوطه .. وشله النصابين

كان ياما كان في قديم الزمان نصاب كبير اسمه " اطوطه " بس تاب وبطل نصب وعاش مع مراتة " ام السيد " ومع ابنه السيد اللي جي عليه وقت انه يتزوج فطلبت منه " ام السيد " انه يساعده في زواجه بس ما كان حيلته بعد كل سنين النصب غير " اعزكم الله " بقره وحمار وكلب ,
قال للسيد : يابني خد البقره دي بيعها في السوق ب 1000 دينار وكمل بيها زواجك..

السيد اخد البقره وراح بيها السوق شافوه جماعه نصابين وما كانوا يعرفوه اتفقوا عليه دخل علي السيد واحد.
قاله : تبع المعزه اللي معاك دي بكام ..
استغرب السيد وقاله : ياعم دي مش معزه, دي بقره وابويه قالي بيعها ب 1000 دينار
النصاب قاله: حبيبي .. ابوك ضحك عليك ولو مش مصدق نسئل اي حد في السوق
دخل النصاب التاني وسئلوه وجاوب بكل تاكيد: دي معزه طبعا ولو عايزين تبيعوها اخدها ب 100 دينار
اضطر يبيع المعزه اللي هي بقره ب 100 دينار وراح البيت

بالبيت سئل ابوه: انتي ليه كدبت عليه وقولت لي انه المعزه تبقي بقره
استغرب ابوه وفهم القصه وقاله: هيجي اليوم اللي تعرف انها بقره مش معزه

اطوطه بعد غياب جاب قطعتين دهب واكلهم للحمار ونزل السوق يبيع .. الحمار
اطوطه نادي في السوق: يالا الحمار اللي بينزل دهب
سمعوا الخبر الجماعه النصابين وراحوا يشوفوا الحمار اللي بينزل دهب
استغربوا لما شافوا اطوطه هو اللي بيبيع الحمار وسئلوه: ايه الغيبه الطويله دي يااطوطه
قال لهم: ام السيد مريضه فاضريت ابيع الحمار الي بينزل دهب اللي حيلتي علشان اعالحها
كدبوه لانهم بيعرفوا انه نصاب بس قالهم اضربوا علي بطن الحمار هينزل دهب
وبالفعل ضرب واحد علي بطن الحمار فنزل قطعه دهب , استغربوا وبصوا لبعض
قال لهم لو مش مصدقين اضربوا تاني. وبالفعل ضربوا تاني والحمار نزل قطعه دهب تانيه
قالوا بصوتواحدا: تبيع يا اطوطه بكام؟؟
اطوطة: الحمار ده غالي عليه بس علشان ظروفي ام السيد مضر ابيعه ب 2000 دينار
النصابين في صوت واحد: كتيررررررر
بس فكروا مع نفسم وقالوا احنا المستفادين من الدهب واشتروه
اطوطه: بس علشان الحمار ينزل دهب المفروض تقفلوا علي الحمار اسبوع من غير اكل ولا شرب معدته هتعمل دهب بدل الاكل والشرب..
فرحوا اخدوا الحمار وراحوا قفلوا عليه اسبوع.. وبعدها فتحوا الباب لقيوا الحمار سطيحه مبت
اتجننوا وراحوا ينتقموا من اطوطه.. راحوا بيته يموتوه

اطوطه: ادخوا البيت يا جماعة انتوا ضيوف ميصحش نتكلم علي الباب

دخلوا البيت ولسه هيتكلوا اطوطة " صقف " بايده دخل الكلب شايل صينيه الشاي.. اخدوا الشاي اطوطه " صقف " تاني.. الكلب مشي
اتجننوا اكتر وسئلوه: ايه اللي بيحصل ده ؟؟
اطوطه: ده الكلب الخصوصي بتاعي وبيساعدني في خدمه البيت من يوم ام السيد تعبت
النصابين نسيوا الحمار وقالوا: تبيع يا اطوطه؟؟
اطوطه: يا جماعة الا الكلب .. ده هو اللي باقي لي انا وام السيد ومدرب علي كل حاجه
النصابين: لو ما بعتنا الكلب هناخد تمن الحمار الي نصبت علينا فيه
اطوطه: خلاص زي ما تحبوا الكلب ده ب 1000 دينار
من غير كلام اشتروا الكلب.. شغلوه معاهم يحطوا المخدرات في بقه ويوصلها من مكان لمكان علشان الشرطة ما تمسكهم, وفجاه الكلب سابهم وراح لاطوطه اللي كان مدربه علي كده

اتجننوا وقالوا مش حينفع غير نقتله ونخلص منه وناخد الكلب . راحوا بيت اطوطه ودخلوا البيت
اطوطه: تعالي يا سيد سم علي عمامك
السيد دخل لقي النصابين اللي نصبوا عليه قال: بابا هم دول اللي نصبوا عليه قبل كده
اطوطه مظبط المسائل وطعن السيد فتح كيس الدم اللي حطهوه في جنبه. دخلت ام اليسد لقيت السيد سايح في دمه لسه هاتصرخ طنعها اطوطه بالخنجر وفتح كيس الدم اللي حطوه في جنبها..
النصابين استغربوا وبصوا لبعض
النصابين: ازاي تقتل اهلك يا اطوطه
اطوطه: انتوا صحابي واحبابي وبعدين هما ما ماتوا .. طلع سكاته اطفال وحطها في بق السيد وام السيد صحيوا تاني
النصابين: ايه اللي بيحصل ده؟؟؟
اطوطه: دة الخنجر بتاعي الي بقتل بيه اللي يضايقني, ودي السكاته اللي بصحي بيها تاني
النصابين في صوت واحد: تبيع يا اطوطه ؟؟
اطوطه: تمنهم غالي عليكم يا جماعه
النصابين: انت نسيت الحمار وكمان الكلب يبقي انت الجاني علي روحك
اطوطه: خلاص هاتوا اللي معاكم ونبقي خالصين

النصابين اخدوا الخنجر والسكاته وراحوا مجلسهم دخل عليهم واحد سلم طعنوه بالخنر وقع بالارض. دخل واحد تاني طعنوه بالخجر وقع ميت وغيرهم كلهم ماتوا والنصابين قاعدين بمجلسهم كأن مافيش حاجه حصلت.
جات الشرطه مسكتهم النصابين قالوا مافي ميتين ولا حاجه يا باشا شويه وهيصحوا تاني.
طلعوا السكاته يصحوا المتين.. الشرطه مسكتهم وعلي المخفر ودتهم.

المنصابين في صوت واحد: احنا مظلومين اطوطه هو السبب
اطوطه زارهم في السجن مع ابنه: اسئلكم سؤال وتجاوبوا عليهم بصراحه اعترف واطلعكم من السجن.
النصابين في صوت واحد: موافقين
اطوطه: المعزه اللي اشتريتوها من ابني كان معزه ولا بقره ؟؟؟؟
النصابين في صوت واحد: بقره يا اطوطه .. طبعا بقره
اطوطه لابنه: شوفت يابني ماكنتش كداب ولا ضحكت عليك ولا حاجة
اطوطه سابهم ومشي والنصابين ينادوا في صوت واحد : اطوطه هو السبب اطوطه هو السبب

النصابين طلعوا من السجن بيدورا علي اطوطه علشان يخلصوا منه للابد. مسكوه حطوه في " شوال "وربطوه بخيط متين ورموه في النيل.
النصابين: كده خلصنا منه ومن شر اعماله اللي ما بتخلصش ابدا.

بالصدفة صياد بيصطاد في النيل لقي " الشوال " طلعه وفك الخيط وطلع اطوطه منه ووداه علي ملك الجزيره.
الملك: احكيلنا يا اطوطه حكايتك بالظبط.
اطوطه حكي حكايته مع النصابين .. وفجأه بنت الملك ضحكت واتكلمت !!
الملك: اطوطه .. اطلب اي طلب وانا انفذه لك حالا, انتي اللي نطقت بنتي بعد ما كانت ما بتتكلمش 20 سنه.
اطوطه بقي صاحب الملك ومقرب له وعنده خدم وحشم وعزب واملاك وفلوس كتير
اخد الخدم بتوعوه والفلوس ورجع بلده علشان يعيش مع اهله اللي باقي من عمره
النصابين شافوا اطوطه ما صدقوا النعمه اللي هو فيها لانهم رموه في النيل باديهم في شوال .. سئلوه علي الحكايه.
اطوطه للنصابين كلهم: انا حكايتي طوييييله ... لكن اللي عايز يبقي زيي ويكون عنده اللي عندي يجي علي النيل ويجيب معاه شوال وخيط متين بعد غروب الشمس بالظبط
كل واحد من النصابين جاب معاه شوال جميل وخيط متين علشان يبقي زي اطوطه..
اطوطه يحط النصاب في الشوال وام السيد تربط والسيد يرمي الشوال في النيل ..
واللي بعده .. اطوطه يحط النصاب في الشوال وام السيد تربط والسيد يرمي الشوال في النيل ..
واللي بعده .. اطوطه يحط النصاب في الشوال وام السيد تربط والسيد يرمي الشوال في النيل .

لحد ما خلص اطوطه من النصابين كلهم وبعدها اطوطه تاب خالص وعاشت المدينه في سلام لحد الان من غير نصابين.

سامحوني علي الاطاله
ايمن كمال

هناك 7 تعليقات:

  1. يا راجل ده عذبهم مش خلص منهم بس جميله
    هههههههههههههههههههههههههههههههههه
    امتي نخلص من النصابين اللي في بلدنا ان كان قطوطة ولا حتي كابتن ماجد

    ردحذف
  2. هههههههههههههههههه اطوطه مش فطوطه يا بندق .. بس قويه كابتن ماجد ..

    شكرا اشرف " بندق " علي مشاركتك وادعي ربنا يكرمنا بواحد منهم.. لكل ظالم نهايه والمفروض واحنا نكون واحد من اطوطه ولا حتي كابتن ماجد بتاعك

    ردحذف
  3. القصه اجمل كتير وانت تحكيها

    ردحذف
  4. اشكرك سهي علي تواصلك وان شاء الله ما تحرمينا من مشاركاتك دايماً ..

    ردحذف
  5. لك تحياتى / محمد سيف

    ردحذف
  6. ؟؟؟؟؟؟؟؟؟؟؟

    اشكرك بو سيف علي التعليق الصامت ومنه استشف الكثير

    مني الف تحيه

    ردحذف
  7. على فكرةانامن عيلةاطوطة فى الاسكندرية وياريت الى عمل كده يبطل استهبل

    ردحذف